五號

這兩個月跟大官聚少離多

不是他到越南大陸工幹

就是我自已出走巴黎

從法國回來沒多久

他又再飛美國三星期

或者是他要獎我母親節做得大方得體

或者因為他在工人放假的日子冇義氣的出走

又可能是他太喜歡我送的法蘭西皮褸

於是

換他到了美國  竟然買了一大堆手信給我

ipad: 雖然只是買了最最便宜的那一款

16GB.... (我個電話都 32啦)

只有 wifi  不是 3G

(這不能怪他....因為 3G 要訂)

但 iPad 手感不錯

而且睇相真係一流

"扒地" 風褸兩件

牛仔褲兩條

Juicy 衛衣一件

冷衫一件

何解全部冬天衫.... 因為都在 outlet 買的月下貨

雖是特價... 但全部合身  也合心

最最感動的是他買了 Chanel... 不是手袋

是四瓶好重的沐浴產品

淨總重量是 1000 ml  還未計玻璃瓶呢

你們有所不知  看見在他從行李拿中這些 Bath oil, Milk Bath, Shower Gel

真的好好好感動

只因為好幾年前  在香港買了瓶 限量版的 Bath Oil

用了一半 就再不捨得用

因為限量真的限量

買不到第二瓶

一直不理我在浴室有千百種不同東西的大官

有一天問我 :  點解呢枝野 幾年仲放在當眼位置  

由舊屋搬到新屋  還未用完??

我話 ~ 買唔番  唔敢用

誰知原來他一直都放在心上

不過他記得的只是 Chanel... 忘了是甚麼 product

於是當他在 New York 看到... 就全都買下

由 New York 一路帶著... 去了幾個城市 搭了好幾回內陸機

東岸到西岸

終於送到我眼前

多謝 常常被我投訴粗心大意的大官

偶一的細心  令人甜在心

Marines:  Ruff Ruff...  幸福的女人  我要發言

文妮: 又點呀? Marines

Marines:  大官好似冇買手信俾我同細佬喎?

文妮:  咁我都幫你唔到架.... 

Marines:  你幫到.... 呢幾枝聞落幾香既野  我地 share 啦

下次沖涼 我都要 Chanel

文妮:  等我諗諗先啦  (心諗.... 好 難 喇)