年貨

做了人家媳婦十一年


每次過年都會收到奶奶的電話


你們一定以為她是打來吩咐我辦年貨吧?!


事實上剛剛相反






她: 利是錢是否照上年的銀碼一樣?  咁我 call 個經理預留新銀紙


我: 是是


她: 海味已幫你準備好了  今年蠔士好靚


我: 唔該  (心想: 我都唔食蠔士)


她: 鮑魚是經煮好  收到後要記緊放在雪櫃


我:  嘩... 好呀... 我最愛鮑魚

她:  金華火腿你要幾多?


我:  唔駛喇  都未食哂


她: 今年要幾多底糕呢?


我: 其實我想自己整蘿蔔糕


她: 自己整好辛苦架  又要切又要蒸


我: 辛苦唔緊要  不過我驚整得唔好食


她: 係啦  我幫你訂埋啦


我: 哦!!!


她: 三底蘿蔔糕 兩底芋頭 一底年糕啦


我: 咁多?


她: 唔多架喇  上年都差唔多


我:  媽咪... 佐敦間瓜子大王好似執左  荃灣我又唔識路


她:  咁今年我買瓜子啦  你要幾多?  


我:  4 斤  


她:  我遲兩天叫人送去你家


我:  唔該唔該  多謝多謝  媽咪今年係咪都係要十二枝白底紅心的蘭花?  我幫你準備


她:  咁辛苦哂


我:  唔辛苦唔辛苦  (心想:  你辛苦好多!!)


她: 好啦 遲 D 再聯絡


我:  拜拜


話題結束

收線???  奶奶仲未問駛駛買臘味 bor??  


今個新年我要做的就只是為她買年花 


然後我就得到利是錢 利是封  年糕  海味  鮑魚 瓜子




默念這段出來  不是想曬命  不是要拍馬屁


要好好記住奶奶為我做的一切