Ruff Ruff!!
我 Rangers 是今天的主角
多得大哥 Marines 我才可以擁有一個屬於我的派對
幾個月前....
M: 細佬, 今次同你擺大壽 一於有咁大搞咁大
R: 點大法呀?
M: um..... 不如就去拉大隊去日本啦
R: 好喎 不過日本輻射喎!!!!
M: 不如去加拿大啦
R: 去到加拿大 班阿四掛住同 Marshalls 玩 仲邊有人理我地唧?!
M: 咁就飛去歐洲搵間古堡 一於玩大 D
R: 歐羅家陣好貴呀
M: 你唔駛幫我慳 正所謂做兄弟 有今生冇來世
R: 我唔係幫你慳 事實上你都冇咁多錢 而且你都唔細 有錢都留返養老啦
M: 返大陸喇 中國佳麗燕瘦環肥 要幾靚有幾靚 又有山珍海味任食
R: 點解你個樣突然變得咁鹹濕.... 返到國內 你咪就係嗰隻山珍海味 lor
M: 係喎.... 咁都係去返我地個場啦 西貢都算人傑地靈 唔失禮架
R: 西貢好 唔怕暈車浪
M: 呢個大派對 點都要叫一萬幾千狗同你賀壽
R: 我地呢 D 鄉下仔 邊到有幾千個朋友呀? 同埋我怕醜 唔熟的唔好請啦
M: 咁你究竟有幾多個 Friend 呀?
R: 唔計 D 筆友 其實好似都係廿幾個
M: 咁細細地玩吓都開心嘅.....
終於有二十多隻狗狗朋友三十多位阿四 大駕光臨 為我慶祝
八月的一個星期天 多得上天眷顧 沒有風球 沒有豪雨
氣溫高達攝氏三十四度
這個 Poolside Party
沒有Video 沒有燈光 沒有煙花
沒有超大型海報 沒有 Banner
沒有香檳 沒有魚子醬
卻有一班爹利兄弟姐妹 有三十多位美麗的阿四
有媽媽親手做的簽名卡 和媽媽 + Monique姨姨合力做的多謝卡
有嘉賓們送我的窩心禮物及最真摰的祝福
有兩位阿四為我籌備的生日蛋糕
有 大姨媽為我畫的油畫
有很多很多的愛圍繞著我
我兩兄弟真的由衷的感謝你們每一位
媽媽的話
我家從未為犬兒搞大型生日派對 為了細佬 破例一次
Rangers 十歲了 要把細佬撫養成為老狗一點也不易
大概是先天不足 這麼多年來 有好幾次以為他快要離開我了
幸好 每一次都逢凶化吉 幸好 一直他還在我身邊
細佬 我要你好好的伴著我
